Beqaraar Dil Tu Gaaye Jaa

beqaraar dil, tu gaaye jaa
khushiyo se bhare vo taraane
jinhe sun ke duniyaa jhum uthe
aur jhum uthe dil divaane
beqaraar dil

raag ho koi milan kaa, sukh se bhari saragam kaa
yug-yug ke badhan kaa, saath ho laakho janam kaa
aise hi bahaare gaati rahe, aur sajate rahe viraane
jinhe sun ke

raat yun hi tham jaayegi, rut ye hasi musakaaegi
badhi kali khil jaayegi, aur shabanam sharamaayegi
pyaar ke vo kaise nagame, jo ban jaaye afasaane
jinhe sun ke

dard me dubi dhun ho, sine me ik sulagan ho
saaso me halaki chubhan ho, sahami hui dhadakan ho
doharaate rahe bas git ye aa, duniyaa se rahe begaane
jinhe sun ke