Paon Padoon Tore Shyam

paanv padun tore shyam
brij me laut chalo, laut chalo
paanv padun tore shyam
brij me laut chalo, laut chalo
paanv padun tore shyam

suni kadam ki thandi chhaiya
khoje dhun bnasi ki
vyaakul hoke brij na dubo de
lahre jamuna ji ki
laut chalo, laut chalo
paanv padun tore shyam

dudh dahi se bhari matakiya
tode kaun muraari
asuvan jal se bhare gagariyaa
panaghat pe panihaari
laut chalo, laut chalo
paanv padun tore shyam

bilakh rahi hai maat yashodaa
nand ji duhkh me khoye
kuch to soch are nirmohi
brij ka kan kan roye
laut chalo, laut chalo
paanv padun tore shyam